राेयाण्टर मण्डल
सिरहा / जिल्ला उद्योग वाणिज्य संघ,लहान सिरहाले सप्तरी जिल्लाको महदेवा गाउँपालिका वडा नम्बर १ चिमटीका आगलागी पीडितलाई राहात वितरण गर्ने भएकाे छ ।
संघका अध्यक्ष विकास कुमार सारडाका अनुसार आगलागीबाट पिडित परिवारलाई राहात स्वरुप १ लाख रुपैयाँ बराबरको राहत सामग्री वितरण गर्न सहयोग गर्ने निर्णय गरिएकाे हो ।
विपदको समयमा थोरै भएपनि उक्त रकमबाट लत्ताकपडा , झुल, खधान्य वस्तु वितरण गरिने वहाँले बताउनुभयाे ।
उक्त रकमकाे सामग्री Helping Hands Team को अभियानीहरु मार्फत वितरण हुने जनाएकाे छ ।
मंगलबार साँझ ५ बजे शत्रुधन यादवकाे घरबाट अचानक भएको आगलागीमा परी केही गोठसहित १ सय १० भन्दा बढी घर जलेर नष्ट भएको छ ।
आगलागी नियन्त्रण लिन ६ वटा वारुणयन्त्र, सयाैं सुरक्षाकर्मी र स्थानीयको सहयोगमा ५ घन्टापछि राति १० बजे नियन्त्रणमा लिइएको थियाे ।
आगलागीबाट करिब ५ करोड बराबरको क्षति भएको वडाध्यक्ष जयश्वर किशोर दासले जानकारी दिनुभयाे ।
