हेम प्रसाद पासवान
सिरहा / सिराहा जिल्लाको साविक विष्णुपुरकट्टी ७ (हाल धनगढीमाई १२) मा रहेको श्री तुलसी राम सत्य भामा माध्यामिक माध्यमिक विधालयमा विवादमा उत्पन्न भएकाे छ ।
विद्यालयमा नियम र कानुन मिचेर जयराम कार्कीलाई निमित्त प्रधानाध्यापकको जिम्मेवारी सुम्पिएकोले विधालय विवाद अखडामा परिणत भएकाे हाे ।
दुवै मृगौला पीडित अवस्थामा रहेका कार्कीलाई स्वर्गीय प्रधानाध्यापक बलराम भक्त श्रेष्ठको निधनपछिको जिम्मेवारी कानुन विपरीत भएकाे गाउले अगुवाहरु बताए ।
विद्यालयमा जयराम कार्कीभन्दा वरिष्ठ र योग्य शिक्षकहरू किशोर शाह, चन्द्र नारायण चौधरी र निलु कुमारी झा हुँदा-हुँदै पनि उनलाई निमित्त प्रधानाध्यापक बनाउनु नै नियम विपरीत भएकाे एक शिक्षकले बताउनुभयाे ।
विद्यालय व्यवस्थापन समितिका अध्यक्ष मेख बहादुर मगरले स्थायी शिक्षकलाई जेष्ठाकाे अधारमा प्रधानाध्यापक बनाउनु पर्नेमा राजनीतिक दबाबमा र प्रलोभनमा कानुन विपरीत कार्य गरेकाे विधालय राजनीति अखडामा परिणत गरेकाे स्थानीयहरु बताउनुभयाे
गर्न असफल
व्यवस्थापन समितिको निर्णय नआउँदा विद्यालयको पठनपाठनमा कमजोर स्थिति झन् गहिरिएको छ ।
धनगढीमाई नगरपालिका र वडा अध्यक्ष जय प्रकाश शर्माले विवाद समाधान गर्न कुनै कदम नचालेको स्थानीयको गुनासो छ ।
कार्कीले नगरका नेताहरूलाई प्रभावमा पार्दै पदमा रहिरहन सक्रियता देखाएका छन् ।
विद्यालयको शैक्षिक वातावरण खस्कँदै गइरहेको र द्वन्द्वको सम्भावना उच्च भएकोले सम्बद्ध निकायले तत्काल कदम चाल्नुपर्ने स्थानीयवासीको माग छ । प्रधानाध्यापक नियुक्ति प्रक्रिया कानुनी ढंगले अघि बढेन भने विद्यालय थप समस्यामा फस्ने निश्चित देखिन्छ ।
श्री तुलसी राम सत्य भामा माविको विवादले कानुनी र व्यवस्थापकीय कमजोरीको स्पष्ट चित्रण गरेको छ । समस्या समाधानका लागि जिम्मेवार निकायले तत्काल चासो देखाउन आवश्यक छ ।
