बिरेन्द्र प्रसाद नेपाल
लहान । दिन नवित्दै सिरहा पुन: एक युवा लागूऔषध सहित पक्राउ परेकाे छ ।
पक्राउ पर्नेमा लहान नगरपालिका वडा नम्वर ४ बस्ने वर्ष ३३ को मोहमद सलाउदिन मियाँ रहेकाे छ भने दुई दिन पहिले खैराे हिराेईन सहित सिरहा नगरपालिका वडा नम्बर २ का विष्णु कुमार साहले पक्राउ परेकाे थियाे ।
उनकाे साथबाट Promethozine १५ एम्पुल थान, Norphin १५ एम्पुल थान र Diazelab १४ एम्पुल फेला परेको छ ।
ठाडीबाट लहानतर्फ आउदै गरेको सखुवानान्कारकट्टी गाउँपालिका वडा नम्वर ५ स्थित महेशवारी चौकमा ईलाका प्रहरी कार्यालय महेशवारी सिरहाबाट प्रहरी सहायक निरिक्षक चन्दु बैठा धोबीको कमाण्डमा खटिएको चेकिङ टोलीले ना.४.ख ३३१४ नम्वरको यात्रुवाहक बसलाई रोकी चेकजाँच गर्दा मियाँ लाई लागूऔषध सहित नियन्त्रणमा लिएकाे छ ।
मियाँलाई थप अनुसन्धानका लागि प्रहरी कार्यालय लहान पठाएकाे प्रहरी सहायक निरिक्षक धाेवीले जानकारी गराउनुभयाे ।
